Galicia Ártabra Digital Noticias de Ferrol y la comarca de Ferrolterra.
O recoñecido cantor galego Xabier Díaz, presentará este domingo día 8, o seu Cancioneiro Galego Serodio. Será da man da Asociación Cultural Vai Rañala Meu! no Centro Cívico de Sedes (Narón) a partir das 13:00 horas.
A Asociación Cultural Vai Rañala Meu!, trae ao Centro Cívico Social de Sedes ao cantor galego Xabier Díaz, que presentará o seu Cancioneiro Galego Serodio, unha selección do patrimonio oral recollido ao longo de catro décadas e que recolle materiais das máis de 500 entrevistas realizadas ao longo deste tempo.
Este é un traballo que abrangue o total do territorio galego, as catro provincias, e mesmo os territorios arraianos. Xorde, por unha parte, da viaxe dun mozo de vinte anos que comenza a facer traballos de campo como ese amador, folclorista, curioso e afeccionado polo noso folclore que aínda segue a ser. Ademais, tamén contribúe a revalorizar a música e baile que dura ata os nosos días.
A actividade é aberta e de balde e non precisa de inscrición previa; E está organizada pola Asociación Cultural Vai Rañala Meu! coa colaboración da Área de Cultura da Deputación da Coruña.
