Este domingo se decide o podio galego dos 10K

Un total de 256 atletas (180 homes e 76 mulleres) toman parte este domingo 1 de xuño en Carballo a partires das 10:00 horas no Campionato Xunta de Galicia de 10K para as categorías absoluta, Sub23, Sub20 e máster.

Malia a ausencia da campioa galega absoluta do ano pasado, Uxía Pérez, si en cambio poderemos contar ca presenza do campión masculino dos 10.000 m. deste ano e gañador na pasada edición David de la Fuente do CD Pinarium, que intentará revalidar o seu título.

A maiores, estarán tomando parte polo concello carballés, algúns dos gañadores e gañadoras da pasada edición celebrada en Xinzo entre os cales se atopan Sofía Freaza do Comesaña na F40; María Tarrío do Compostela Atletismo e Ricardo Vázquez do ADAS CUPA na máster 45; José Suárez da SD Compostela na M60, así como Elvira Tresguerras do Atletismo Sar na F70.

A proba disputarase de maneira conxunta ca celebración da  XIII Carreira Popular Concello de Carballo 2025