Galicia Ártabra Noticias de Ferrol y la comarca de Ferrolterra.
A sala multiusos da Biblioteca municipal de Narón acolle este venres 23 a presentación do poemario “Ïntimos rincones”, da autora Maite Gascón, natural de Guijuelo (Salamanca).
Esta publicación é a súa obra máis recente, un libro que reúne 200 haikus de ton xenérico e intimista, nos que a autora explora emocións e sensacións cotiás a través da delicadeza e a precisión formal deste estilo poético tradicional xaponés. O acto dará comezo ás 18:30 horas e está aberto á asistencia de público en xeral, tal e como indicou a edil de Bibliotecas, Olga Ameneiro. Nas súas páxinas, a obra mantén a estrutura clásica do haiku, composta por tres versos de cinco, sete e cinco sílabas respectivamente.
Maite Gascón, veciña na actualidade de Mugardos, cultiva dende moi nova unha fonda paixón pola literatura, especialmente pola poesía, xénero do que ten varias publicacións dirixidas tanto a público adulto como infantil. “El tren de la poesía” e “Unas vocales muy divertidas”, orientadas a público máis novo, son algunhas das súas obras.
A autora estará acompañada no acto de mañá da tamén escritora Julia Graña e ao remate da presentación as persoas que o desexen poderán adquirir un exemplar da publicación.
