Galicia Ártabra Digital Noticias de Ferrol y la comarca de Ferrolterra.
A alcaldesa de Narón Marián Ferreiro, e o concelleiro de Deportes, Ibán Santalla, recibiron no Concello ao naronés Marcos López Balado, dobre subcampión no Campionato de Europa de ISKA de Kicboxing celebrado hai uns días en Malta.
Ferreiro e Santalla interesáronse pola experiencia de Balado nesta competición, o seu primeiro campionato europeo e no que acadou un excelente resultado.
Balado explicou que participaban deportistas de 24 países, uns 800competidores e valorou o feito de poder presentarse ao campionato mundial que se celebrará en Australia. O naronés practica dende hai varios anos este deporte de combate de orixe xaponés, no que se misturan técnicas de patadas de algunhas artes marciais con outras propias do boxeo.
A rexedora local asegurou que é un orgullo para a cidade que os e as deportistas de Narón poidan proxectala en cada competición na que participan, grazas á súa implicación e constancia, e desexou sorte a Balado para a competición mundial.
