‘El Gran Ciclón’ chega ao Teatro Jofre de Ferrol co cuarteto barcelonés de jazz Los Mambo Jambo

Estarán acompañados por doce músicos e xuntos forman Los Mambo Jambo Arkestra, un proxecto de 16 artistas que fan honra ao título do seu espectáculo.

O teatro Jofre encherase este sábado 12 de abril ás 20.30 horas co potente ritmo do cuarteto barcelonés Los Mambo Jambo, que presentará o seu segundo álbum, El Gran Ciclón. Un traballo formado por 11 temas propios nos que ofrecen o seu coñecido e característico son jambofónico, cunha dimensión moito máis potente e brillante.

Los Mambo Jambo está integrado por Dani Nel-lo (saxo), Iván Kovacevic (contrabaixo), Antón Jarl (batería) e Dani Baraldés (guitarra). Nesta xira, están acompañados por doce músicos, repartidos en dúas seccións de vento e unha segunda guitarra. La Arkestra está formada por Héctor Martín (guitarra), Duska Miscevic, Ignasi Poch, Nil Mujal, Pol Prats e Pere Miró (saxos), Jaume Torné, Victor Vergés e Lluis Figuerola (trompetas) e Samuel Marthe, Aram Montagud e Miguel Berenguer (trombones).

As entradas están á venda a partir de 12 euros na billeteira do Jofre e na web de Ataquilla: https://entradas.ataquilla.com/es/ventaentradas/conciertos/53-teatro-jofre/x3ahd9pq-los-mambo-jambo-arkestra