Galicia Ártabra Digital Noticias de Ferrol y la comarca de Ferrolterra.
A Universidade Sénior, o Programa Universitario para Maiores de 50 anos da Universidade da Coruña pon en marcha neste ano 2025, coa financiamento da Xunta de Galicia, e en colaboración co Concello das Pontes de García Rodríguez a 7a edición do Programa de Formación Universitaria Específico para os adultos maiores, que se desenvolverá entre os meses de marzo e abril, no Centro Sociocomunitario de As Pontes, na avenida de Ferrol no 23, en As Pontes.
Con este Programa, a Universidade Sénior achégase un ano máis ás persoas maiores de 50 anos de As Pontes de García Rodríguez, coa intención de seguir dando resposta as súas inquedanzas e necesidades formativas como ven facendo desde a súa primeira edición o ano 2018.
O programa consta de tres módulos, con sesións teóricas e prácticas, impartidas, en dous días a semana, por profesorado da Universidade da Coruña, nas que se abordarán diferentes temáticas:
MÓDULO I: HUMANIDADES E CIENCIAS SOCIAIS
12 de marzo: “A Dirección Artística no Cine”, Profa. Victoria de León Sanjuán
13 de marzo: “A xestión do común: Unha visión desde a economía e os cómics”, Prof. Manuel Gómez Suárez
18 de marzo: “Literaturas do Mundo: unha viaxe á orixe dos libros”, Profa. Elena Martín Cancela
MÓDULO II: CIENCIAS DA TERRA E TECNOLOXÍA
26 de marzo: “(Bio)invasións en Galicia: mecanismo, impacto e xestión”, Prof. Sergio Rodríguez Roiloa
27 de marzo: “ADN Antigo e Evolución Humana: unha viaxe ao pasado a través dos nosos xenes”, Profa. Gloria Ma González Fortes
2 de abril:“Descubrindo a Intelixencia Artificial: retos, aplicacións e ferramentas”, Prof. Álvaro Michelena Grandío
MÓDULO III: CIENCIAS DA VIDA E DA SAÚDE
9 de abril: “Enfermidades Cardiovasculares e Diabetes”, Prof. Luis Saleta Canosa
10 de abril: “O Cambio Climático: causas e consecuencias”, Prof. Salvador Fojón Polanco
23 de abril:“Boas Prácticas para o Coidado do Benestar Psicolóxico”, Prof. Carlos Freire Rodríguez
O Programa formativo rematará cunha xornada de visitas académicas e culturais na Coruña, onde terá lugar o acto de clausura e entrega de diplomas, o día 24 de abril de 2025.
A inscrición, que é gratuíta, poderá realizarse de xeito on-line a través do espazo web UDC Sénior As Pontes https://universidadesenior.org/as-pontes/ ou presencialmente a través da Secretaría de Alcaldía do Concello das Pontes, dende o 22 de febreiro ata o 9 de marzo.
