Máis de medio centenar de estudantes participan na XVI Olimpíada de Xeoloxía celebrada no Xeoparque Cabo Ortegal

A Olimpíada de Xeoloxía suma xa 16 anos celebrándose por todo o territorio galego, sendo este o segundo ano consecutivo que o Xeoparque Cabo Ortegal acolle unha das probas da sede da provincia de A Coruña.

Promovida pola AEPECT (Asociación Española para la Enseñanza de las Ciencias de la Tierra), xunto a Sociedade Española de Xeoloxía e o Colexio Oficial de Xeólogos, conta co apoio da asociación para a xestión do Xeoparque do Cabo Ortegal e o concello de San Sadurniño, lugar onde se celebrou esta actividade o pasado mércores 12 de febreiro de 2024.

Un total de 52 estudantes dos centros IES Rafael Dieste (A Coruña), IES Alfonso X O Sabio (Cambre), IES Miraflores (Oleiros), IES David Buján (Cambre), CPI Virxe da Cela (Monfero), IES Concepción Arenal (Ferrol) e IES Perdouro (Burela), participaron ó longo da xornada en distintas probas, teórico e prácticas.

A Xornada comezou cun acto de benvida na Casa da Cultura de San Sadurniño que contou coa presenza institucional de varios representantes da asociación para a xestión do Xeoparque do Cabo Ortegal, para dar paso á realización das diversas probas. Pola tarde, as e os participantes puideron descubrir mais en profundidade o Xeoparque, grazas a unha saída guiada polo xeólogo Francisco Canosa. Xa a última hora da tarde deuse por clausurada a Xornada coa entrega de premios.

Premiados

PREMIO AO MELLOR Equipo. Do IES Perdouro (Burela): David Baltar Pernas, Pablo Casas Iglesias, Adrián Díaz Urbano, Hugo Gorgojo Basanta.

PREMIO ACCESIT  4º ESO: Hugo Lorenzo Basanta, do IES Perdouro (Burela).

3er PREMIO: Pablo Yedra Parada, de 1o de Bacharelato, de 1º de Bacharelato do IES Miraflores (Oleiros).

2º PREMIO: Mariana Nazareth Caracas Zorrilla de 1º de Bacharelato do IES Miraflores (Oleiros).

1er PREMIO: Hugo Gorgojo Basanta, de 1o de Bacharelato, do IES Perdouro (Burela).