Psoe Ferrol denuncia “desidia absoluta” no mantemento básico da cidade

O grupo municipal socialista de Ferrol denunciou, a través do concelleiro Germán Costoya, a “desidia absoluta” do goberno local no mantemento básico da cidade. A este respecto, o edil manifestou que “non é admisible que este goberno municipal do PP encha o peito con pomposos anuncios de ‘Cidade do Deporte’ e de ‘Abrir Ferrol ao mar’ e non sexa quen de amañar a tapa dunha arqueta, e máis estando situada nun lugar tan perigoso”.

Refírese Costoya «ao risco que supón a tapa dunha arqueta no cruce entre as rúas Manuel Belando e Río Castro, da que xa se advertíu ao Goberno de Rey Varela a mediados de novembro». “Proba diso é que a Policía Local colocou dous conos sinalizando dito risco”, mencionou o concelleiro socialista, que explicou que «isto fixo que os vehículos, cun tráfico moi intenso nesa vía, estiveran días facendo maniobras perigosas para esquivar ditos conos».

Continúa o edil indicando que «pasadas unhas xornadas, desapareceu un dos conos sin que teña sido reemplazado ata o momento, polo o que “os socialistas continuamos advertindo ao goberno municipal de que non se amañaba a tapa da arqueta e que a sinalización era cada vez peor,”. A isto, como apunta Costoya, «o concelleiro responsable respondeu que se estaba tratando o asunto cunha compañía telefónica, e que si non se non se solucionaba poñerían unha chapa de aceiro como protección».

«Finalmente, o pasado sábado desapareceu o cono de sinalización que quedaba, “e así estamos ata hoxe”. Disto advertiu o concelleiro ao goberno local o mércores na comisión informativa da área, “por enésima vez, pero nada, por un oído lles entra e polo outro lles sae”, subliñou.

“O certo é que a día de hoxe non están os dous conos, nin siquera queda un, e a chapa de aceiro nin apareceu,”, indicou Germán Costoya, para o que “semella que o único que queda é agardar a que haia sorte e non aconteza ningún accidente, é dicir, Rey Varela abandona á veciñanza á súa sorte”.

Lea también

Se celebra en Ferrol una reunión de comisión de seguimiento de las obras de las Pías

El alcalde de Ferrol, José Manuel Rey Varela, participó este jueves 3 en la reunión …