O BNG de Ferrol presenta no pleno unha moción en defensa do galego

O Bloque Nacionalista Galego defenderá no pleno de Ferrol unha moción na que propón «que o concello reforce o seu apoio ao fomento da lingua galega e revise a súa actuación en materia lingüística de cara a que o galego sexa verdadeiramente a lingua oficial do concello».

Iván Rivas, portavoz municipal do BNG no concello de Ferrol, sinala que «nun momento en que o galego está nunha situación de emerxencia é preciso que o concello de Ferrol dea un paso á fronte na defensa da lingua galega implementando o seu uso en todas as iniciativas e actividades propias do concello, apoiando todas as iniciativas sociais de cara a súa defensa e esixindo á Xunta de Galiza que cumpra o estabelecido na Lei de Normalización Lingüística e no Plano Xeral de Normalización da Lingua Galega e na Ordenanza de Normalización Lingüística».

Iván Rivas, portavoz municipal do BNG, lembra que «desde o BNG estamos continuamente chamando a atención do goberno local sobre os reiterados incumprimentos da normativa de normalización neste concello xa que parece que a este goberno tanto lle ten cumprila ou non».

O BNG sinala que «aínda esta recente a intención do goberno de Rey Varela de excluir o galego das contratacións municipais, os sinais das peque paradas seguen estando en español e son continuas as campañas que desde diferentes concellerías se desenvolven excluíndo a nosa lingua e as comunicacións das empresas concesionarias dependentes do concello que tamén excluen ao galego».

Así mesmo o BNG solicita que o concello «se adhira á Plataforma Queremos Galego, entidade social ampla conformada por colectivos de diferentes ámbitos e por persoas a título individual, que nace da vontade de articular unha ampla resposta popular a prol da lingua propia do noso pobo, o galego; de defensa e afirmación dos usos públicos e dereitos lingüísticos xagarantidos pola actual lexislación; e de progresiva normalización naqueles espazos onde o idioma de noso non goza aínda da presenza desexada e que o Concello apoie activamente as iniciativas socias promovidas desde esta Plataforma».

Lea también

Ferrol contará con una nueva ordenanza de Ruídos

Las infracciones por incumplimiento de la ordenanza pueden ir desde los 60 euros hasta los …