Cerdido comenza o seu programa de compostaxe caseira

A casa da cultura de Cerdido acollerá ás 19:30 horas deste venres 8 de novembro, unha formación e a posterior
entrega dos composteiros a todas as persoas inscritas no programa de compostaxe caseira.

A través de dita iniciativa, os veciños recibirán de forma totalmente gratuíta un composteiro de 400l de capacidade e aireadores, así como a formación precisa para levar a cabo o proceso de compostaxe.

A proposta, que se desenvolve colaboración coa Consellería de Medio Ambiente, Territorio e Vivenda da Xunta de Galicia no marco do Plan de recuperación, transformación e resiliencia, financiado pola Unión Europea- NextGenerationEU, procúrase capacitar á poboación para a transformación de materia orgánica en compost; mellorar a eficacia da recollida selectiva mediante a separación previa da materia orgánica; reducir o volume de residuos que debe recoller o ente municipal; concienciar á poboación sobre o papel que xoga a compostaxe na xestión dos residuos orgánicos, e aproveitar esta actuación como punto de partida para o desenvolvemento doutros programas de educación ambiental.