Galicia Ártabra Digital Noticias de Ferrol y la comarca de Ferrolterra.
O Salón de Actos Concepción Arenal do Campus Industrial de Ferrol acolle, o luns 14 de outubro, ás 11:30 horas, a primeira das conferencias do Ciclo “Auto-Sinerx-IA. A Automática e a Intelixencia Artificial como Ferramentas para os Desafíos da Industria e da Sociedade”.
O ciclo o organiza un grupo de profesores do Departamento de Enxeñaría Industrial vinculados á Escola Politécnica de Enxeñaría de Ferrol (EPEF) grazas á convocatoria de axudas para a organización de xornadas divulgativas e ciclos de conferencias da Vicerreitoría de Divulgación, Cultura e Deporte da Universidade da Coruña (UDC).
A catedrática da Área de Enxeñaría de Sistemas e Automática da Universidad Complutense de Madrid (UCM), Matilde Santos Peñas, impartirá a primeira conferencia do ciclo titulada “Como lle pode axudar a automática intelixente á sociedade?”.
O xoves 24 de outubro terá lugar o segundo relatorio da man catedrática de Enxeñaría de Sistemas e Automática da Universidad Carlos III de Madrid (UC3M), Concepción Alicia Monje Micharet, quen afondará nas oportunidades e nos retos da chamada robótica branda.
A catedrática de Ciencias da Computación e Intelixencia Artificial da Universidade da Coruña (UDC), Amparo Alonso Betanzos, falará, o luns 28 de outubro, sobre os mitos, as realidades e os desafíos éticos da Intelixencia Artificial.
Por último, o catedrático de Informática e Automática da Universidad Nacional de Educación a Distancia (UNED), Sebastián Dormido Bencomo, pronunciará a conferencia “Realimentación: entre o natural e o artificial”.
O Ciclo “Auto-Sinerx-IA. A Automática e a Intelixencia Artificial como Ferramentas para os Desafíos da Industria e da Sociedade” está dirixido ao alumnado do grao en Enxeñaría Electrónica Industrial e Automática e do máster en Informática Industrial e Robótica, ambas as dúas, titulacións da Escola Politécnica de Enxeñaría de Ferrol (EPEF).
Con todo, a actividade está aberta a toda a comunidade universitaria e ao público xeral interesado. Máis información enviando un correo electrónico a esteban.jove@udc.es.
Inscrición
https://forms.office.com/Pages/ResponsePage.aspx?id=PuqhzrJgdU-mwqYCLo-WG0MOd8hTjH1NobIq1a4gi-5URUIxUU1DU0JOWVhYRUlBTjFLUDZIVUdDNS4u&origin=QRCode
