Minuto de silencio no Concello de Narón en repulsa do crime machista de Fadoua Akkar

A alcaldesa da de Narón, Marián Ferreiro, presidiu este martes, ás 12.00 horas, a concentración convocada ante o Consistorio polo crime machista que lle custou a vida o pasado sábado a Fadoua Akkar, de 41 anos e veciña de Moaña (Pontevedra).  A muller, nai dun menor, perdeu a vida ao caer ao mar dende un vehículo no paseo de Domaio, detendo posteriormente ao o home que o conducía, xa en prisión acusado de homicidio.

No transcurso da convocatoria, á que acudiron representantes da corporación local e persoal do Concello, gardouse un minuto de silencio en repulsa da violencia e como mostra de solidariedade coa familia e amizades da vítima. Os asistentes portaron unha pancarta do Concello co lema: “Contra a violencia de xénero”.