Paseo polos xardíns de Ferrol coa delegación local da SGHN

Un ano máis, baixo o patrocinio da Concellería de Educación do Concello de Ferrol, a Delegación de Ferrol da SGHN fará a saída aos xardíns históricos da cidade dentro da actividade «A Biblioteca sae ao medio: interacción libro-natureza».

O paseo partirá dende a praza das Angustias e contará cun percorrido de 2’87 km no que os naturalistas revelarán algunhas das especies de flora e fauna que comparten os máis antigos dos xardíns urbanos da cidade de Ferrol, e darán a coñecer a vida dentro do ambiente urbano.

Dende a entidade anuncian que o tope máximo de participantes está en 20 persoas e que a inscrición é obrigatoria para poder participar na actividade. Recomendan levar roupa e calzado cómodos e acordes coa meteoroloxía, así como paraugas e bebida.

INSCRICIÓNS: Nos teléfonos 698 141 384 ou 881 931 315. Será necesario aportar nome, apelidos e DNI de cada participante no momento da mesma.