Galicia Ártabra Digital Noticias de Ferrol y la comarca de Ferrolterra.
A ACRD Santa Mariña do Monte, pertencente á parroquia sadurniñense do mesmo nome, organiza este sábado 14 de setembro unha excursión na que se achegarán durante toda a xornada a distintos lugares de Viveiro.
Visitarán a fábrica de cerámica Regal, o casco histórico da vila, subirán ao miradoiro de San Roque e tamén pasearán polo Souto da Retorta.
A saída está posta para as 9:30h desde o local social da Golpilleira e as prazas son limitadas. O prezo da viaxe -incluido autobús, visitas e xantar- son 35€ para as persoas socias e 40€ para as que non sexan socias da entidade.
O último día para anotarse é este martes 10 de setembro. Para ampliar información hai que chamar ao 630 811 062 ou ao 607 619 310.
