Incendio nun vehículo no quilómetro 16 da AG-11 en dirección Padrón, no Concello de Rianxo

Os bombeiros do parque Comarcal Provincial de Boiro foron alertados ao redor das 09:11 horas da mañá de hoxe, luns 15 de xullo, dun camión do que sae moito fume, co condutor fóra do vehículo.

Na chegada á estrada, e despois de realizar unha inspeción, apreciouse un lixeiro fume na parte baixa onde se atopa o tubo de escape e o motor. O condutor xa descargara un extintor para apagar o lume.

Despois dunha valoración inicial e asegurarse que non había máis puntos de lume, comprobouse que existe unha pequena mancha de aceite debaixo do vehículo. Verteuse absorbente para evitar a propagación.

Rematado o servizo e despois de comprobar que a situación quedou totalmente controlada, quedando no lugar para a sinalización do perigo o persoal de mantemento da AG – 11 e o condutor do vehículo ata a chegada do guindastre para a sua retirada.