Galicia Ártabra Digital Noticias de Ferrol y la comarca de Ferrolterra.
Psoe Ferrol «O Goberno de Rey Varela esixía que os desbroces estivesen en maio e agora é incapaz de telos en xullo»
O Grupo Socialista de Ferrol, encabezado polo seu portavoz Ángel Mato, denuncia públicamente que «os problemas que afectaban e afectan á nosa zona rural e que tanto criticaba o Partido Popular durante o anterior goberno, continúan sen solución baixo a administración do actual alcalde José Manuel Rey Varela». «A pesar das promesas de cambio e mellora, a realidade é que a xestión do PP segue deixando moito que desexar».
«Desde a chegada do Partido Popular ao goberno municipal, os problemas que antes denunciaban con vehemencia non só persisten, senón que se agravaron. Os desbroces e a limpeza de gabias, servizosesenciais para a seguridade e benestar dos nosos veciños rurais, seguen sen realizarse coa periodicidade necesaria».
«Os veciños das parroquias rurais son os que están sufrindo as consecuencias desta deixadez». O alcalde José Manuel Rey Varela e o seu equipo demostraron unha preocupante falta de capacidade para xestionar os servizos básicos. A tan prometida mellora na organización e prestación de servizos quedou en palabras baleiras. A día de hoxe, non se viu ningún avance significativo na mellora dos servizos de desbroce, limpeza viaria e mantemento de zonas verdes».
«Resulta especialmente paradóxico que o mesmo Partido Popular que en maio de anos anteriores criticaba a falta de desbroces e a ausencia de contratos para estes servizos, agora, con maioría absoluta e un equipo de 11 asesores, sexa incapaz de sacar adiante estes contratos en tempo e forma».
«En maio de 2021 e 2022, o Partido Popular denunciou con vehemencia que os desbroces non se realizaran a tempo e que os contratos estaban sen renovar, utilizando estas críticas como arma política contra a nosa administración».
O Grupo Socialista esixe ao alcalde «que deixe de lado as escusas e actúe de maneira urxente para solucionar os problemas que afectan á zona rural. Pedimos a inmediata realización dos desbroces que tiñan qe efectuarse na primavera, tal como o propio Partido Popular esixía cando estaba na oposición».
«Desde o Grupo Socialista lembramos ao goberno municipal do PP que o rural tamén existe e merece a mesma atención e coidado que a zona urbana. Non podemos permitir que os nosos veciños sigan sendo marxinados e ninguneados».
Ángel Mato, portavoz do Grupo Socialista, conclúe: “Non imos deixar de alzar a voz polos nosos veciños do rural. O goberno do PP ten que actuar xa e cumprir coas promesas que fixo. Ferrol merece un goberno que traballe para todos, non só para uns poucos.”
