Galicia Ártabra Digital Noticias de Ferrol y la comarca de Ferrolterra.
O Padroado da Cultura de Narón, a través da programación da Rede Cultural da Deputación da Coruña organizou unha nova función do espectáculo de maxia do Mago Antón “A volta a Galicia en 313 concellos” no parque do río Freixeiro o sábado día 29.
As prazas por cada unha das quendas son limitadas, 30 espectadores como máximo cada pase, a capacidade do espazo, e cubriranse pola orde de chegada das persoas interesadas en presenciar o espectáculo.
As funcións programadas serán ás 12.00 e 13.00 horas e tamén en horario de tarde, ás 17.00, 18.00 e 19.00 horas no interior do particular vehículo a través do que o Mago Antón representa o seu espectáculo por diferentes concellos.
