XIII Mercadillo Veciñal en Ares

A Concellaría de Cultura vén de desvelar as bases que rexerán o XIII Mercadillo Veciñal de Segunda Man e Artesanía en Ares, un evento que se producirá de 9:00 h. a 21:00 horas na xornada do 7 de xullo e que permite encher o paseo marítimo da localidade de postos para vender, intercambiar ou mercar produtos.

No mercadillo, xa consolidado na oferta estival da localidade, tanto veciñanza como profesionais porán á venda unha ampla variedade de artesanías, libros, roupa, calzado, bisuterías, obxectos de coleccionismo, películas, series e outros artigos de interese.

Para participar, é necesario formalizar a solicitude durante as quendas de inscrición que se habilitarán. Por unha banda, o 27 e 28 de xuño poderán facelo os empadroados e, a partir do 1 de xullo, os non-empadroados até esgotar a totalidade dos 120 postos dispoñibles.

Cada stand terá un custe de 8 euros para particulares e 10 euros para profesionais, cunha extensión de 3 metros linais, sendo os adxudicatarios os responsables de levar todo o necesario para montar os postos.

As solicitudes deben realizarse fisicamente na biblioteca municipal de Ares, presentando a documentación de reserva de posto e pagando o impacto exacto do mesmo. Para ampliar información ou resolver dúbidas, habilitouse o número de teléfono 981 448 057.