Galicia Ártabra Digital Noticias de Ferrol y la comarca de Ferrolterra.
O Concello de Fene mantén un convenio para a xestión compartida cos concellos de Mugardos e Neda do proxecto de prevención de condutas adictivas no eido local para o cofinanciamento de proxectos de esta índole promovidos por concellos ou agrupacións de concellos da Comunidade Autónoma de Galicia.
Este convenio desenvolvese a través da Área de Benestar e Igualdade en colaboración coa consellería de Sanidade, no que se enmarca, entre outros, o programa de prevención de condutas de risco: “Reforzo educativo + ocio” que se desenvolveu ao longo do curso escolar e como complemento rematase con esta actividade durante os días 25 e 27 de xuño en horario de 10:00 a 14:00 horas, en Fene..e o 26 e 28 en Neda.
Esta acción lúdica- educativa está orientada á rapazada, con idades comprendidas entre os 9 e os 16 anos.
Ofértanse dous grupos, un en Fene e outro en Neda. As prazas están limitadas a 8 como mínimo e 20 máximo por grupo. Lugar: CPI A Xunqueira. O período de inscrición está aberto ata o lúns 24 de xuño ou ata que se cubran as prazas por orde de inscrición.
As solicitudes se realizarán enviando o formulario de inscrición cuberto ao concello de Fene a través do enderezo electrónico: servizos.sociais@fene.gal
Neste espazo dinámico, participativo é no que se busca a interacción e a conciliación mediante actividades a abordar, entre outras: xogos recreativos ao aire libre, campionato de globos de auga, obradoiros creativos: de orientación espacial (procura do tesouro con mapa e brúxula) de disfraces e festa da escuma, coñecemento da natureza, mediante unha ruta/ Xincana, fotografía de espazos naturais, obradoiros deportivos e moito mais.
Todo isto abordarase tendo en conta as emocións e as necesidades que nos espertan, valorando o noso benestar a través do uso saudable do ocio.
Para calquera información dirixirse a: centro municipal de servicios sociais- area de benestar social e igualdade. Avda.do Mar, Bloque 1, Baixo – San Valentín Teléfonos: 981.492.706 / 981 342607 Web: http://www.fene.gal
