Galicia Ártabra Digital Noticias de Ferrol y la comarca de Ferrolterra.
O Grupo Municipal Socialista do Concello de Ferrol solicita que se modifiquen os horarios de recollida de Urbaser para non interrumpir o tráfico na estrada de Castela.
«O Goberno de Rey Varela non ten nin planificación nin empatía coa veciñanza de cara a resolver os atascos que se producen un día tras outro na estrada de Castela, xa que non toma nin a máis mínima medida para solucionalo».
“A veciñanza está a soportar a diario atascos na estrada de Castela debido á desidia do Goberno do sr. Rey Varela”, afirmou o concelleiro socialista Germán Costoya.
«Nas derradeiras semanas, o tráfico nesta vía viuse incrementado debido ás obras que está a desenvolver o Goberno de España na avenida das Pías, e o único que ten feito o sr. Rey Varela é criticar a falta de coordinación no seu desenvolvemento; sen embargo non tomou ningunha medida para reducir no posible as molestias aos cidadáns de Ferrol».
«Ante esta falta de iniciativa, dende o Grupo Socialista vimos de propoñer na Comisión de tráfico de hoxe unha medida sinxela e perfectamente executable: “solicitamos ao Goberno do sr. Rey Varela que tome as medidas que correspondan para que a recollida de residuos por parte da empresa Urbaser non obstaculice, aínda máis, o tráfico, e por iso propoñemos mudar os horarios de traballo de dita empresa para que non coincida nas horas de máis conxestión de tráfico na estrada de Castela”.
“Non é de recibo que ás 9 da mañá estean os camións de Urbaser baleirando os contenedores, producindo retencións totalmente innecesarias que non se estarían dando se o Goberno do PP tivera un mínimo de planificación, ou, cando menos, estivera a pe de rúa para detectar as problemáticas diarias da nosa veciñanza”.
