Fene acolle unha nova edición da Fashion Night

Diversos establecementos feneses súmanse este sábado 8 de xuño, a unha nova edición da Fashion Night. Un evento no que ofrecerán importantes descontos e o sorteo dunha viaxe entre as persoas que se acheguen a mercar, en horario especial de apertura de 10 a 14h, e de 18 a 23h.

A partir das 19.30h realizaranse catro desfiles de moda diante de diferentes locais da avenida Marqués de Figueroa (19.30 horas Moda Jomer; 19.45h Dama; 20 horas Mi Pachú e 20.15 horas Bualá).

Tamén haberá tempo para os concertos con Los Alcántara (ás 19 horas na Avenida Marqués de Figueroa), La Indirigible (ás 20.30 horas na Avenida Tarrío) e Superglú (ás 22 horas  na Avenida Naturais), o pase das Treboeiras de Canido e diversas exhibicións de baile a cargo das academias May Dance e Fusion Dance.

O evento está organizado pola Asociación de Comercio, Hostalería e Servizos ‘O Cruceiro’, coa colaboración da área de promoción económica e turismo do Concello de Fene.