O Racing Club Ferrol colabora coa campaña «Aquí, tamén se fala galego”

Alberto Pombo e Arcadio González, dous dos coordinadores de “Aquí tamén se fala galego”, unha iniciativa de dinamización lingüística no ámbito escolar que busca normalizar o emprego do galego en todos os ámbitos da vida pública, incluído, o fútbol, visitaron A Malata

Hai uns meses, propuxeron ó Racing Club Ferrol colaborar con eles e, como club galego que é, con sete xogadores da terra nas súas filas e varios galegofalantes vestindo a súa camisola, recibiron o seu ofrecemento de moi bo agrado.

Dende entón «visitamos varios centros educativos como parte das actividades englobadas na súa proposta, creamos contido específico démoslles visibilidade a través das nosas redes sociais e puxémonos a súa disposición para calquera cousa que necesitasen» expresaron.

«Aproveitando que designamos o partido do sábado perante a AD Alcorcón como #partidoaquítaménsefala e que cen dos alumnos que participaron na iniciativa estarán nas bancadas da Malata, convidámolos a pasar pola nosa sala de prensa e facer balance do que foi esta iniciativa».