Galicia Ártabra Digital Noticias de Ferrol y la comarca de Ferrolterra.
O delegado do Goberno, Pedro Blanco, recibiu ao catedrático de Psicoloxía Social da Universidade da Coruña (UDC) Ricardo García Mira, en calidade de coordinador do proxecto de investigación europeo ENTRANCES, que analizou entre 2020 e 2023 o impacto social da transición enerxética en 13 rexións europeas, entre elas a comarca das Pontes.
Na reunión, na que tamén estivo presente Marta Fernández, investigadora do proxecto, o delegado coñeceu os resultados do proxecto e amosou especial interese nos que afectan a As Pontes, xa que poden servir como base para diversas actuacións nos territorios galegos estudiados.
Pedro Blanco felicitou ao catedrático da UDC (que coordinou 14 grupos de investigación de 12 países distintos) e á investigadora por este traballo e agradeceu a información contida no mesmo, que será chave para continuar a mellorar a vida dos veciños dos municipios galegos das zonas de Transición Xusta.
