Sale a licitación en Pontedeume as obras do camiño Estreito e a avenida da Coruña

O Concello de Pontedeume sacou alicitación unhas obras para a renovación do pavimento e os servizos básicos no camiño Estreito e na marxe dereita da avenida da Coruña.

Os traballos, cun orzamento de 319.186,30 euros, realizaranse a través dun convenio entre o Concello de Pontedeume (aportará 119.186,30 euros) e a Deputación da Coruña (200.000 euros).

O prazo de presentación das ofertas por parte das empresas interesadas remata o 22 de abril. “O proxecto ten por obxecto a mellora do pavimento e dos servizos de saneamento e da rede xeral de abastecemento”, explica o concelleiro de Urbanismo, Daniel Ríos.

“Mellorarase tamen a rede de alumeado público e crearase unha rede de recollida de augas pluviais, nunha actuación que inclúe a renovación das sinais de tráfico e as varandas, e a colocación de bancos, papeleiras, xardineiras e protectores para os contedores en superficie”, remata Ríos.