Galicia Ártabra Digital Noticias de Ferrol y la comarca de Ferrolterra.
A Agrupación Instrutiva de Caamouco ten todo a punto para celebrar o San Vicente 2024, patrón da parroquia. A entidade deseñou unha dobre xornada festiva, coa música e a gastronomía como protagonistas.
Os festexos arrancarán o sábado 20 de xaneiro, cun concerto da banda Pölisong. Será a partir das 21:00 horas, nunha noite na que a Agrupación repartirá tapas de callos de balde con cada consumición.
Ao día seguinte, o sábado 21 de xaneiro, a rapazada será a protagonista. Entre as 17:00 e as 19:00 horas celebrarase unha completa festa infantil coa animación de DJ Rockssi. A actividade, aberta a todos os nenos, inclúe moita música e diversos xogos en grupo. Durante a tarde estará dispoñible o servizo de cafetería para os maiores que acompeñen ao evento aos mais pequenos.
A programación do San Vicente, organizada pola Agrupación Instrutiva de Caamouco, conta coa colaboración do Concello de Ares e El Obrador de Laura.
