A Biblioteca Municipal de Valdoviño recupera os encontros do Foro Galego Literario

O Concello de Valdoviño retoma a partir de outubro os encontros bimensuais do Foro Galego Literario, e as persoas interesadas en tomar parte neles xa poden inscribirse presencialmente na casa da cultura ou a través do número 981 48 76 66 (ata o 22 e do 26 ao 29 de setembro de 10 a 14 h), ou online, por medio da sede electrónica (ata o 30 deste mes). Non hai cuotas e a participación no programa é gratuíta.

O profesor e escritor Antón Cortizas encargarase de novo de guiar as sesións na Biblioteca Municipal, nas que volverán a participar tamén autores das obras que protagonicen os encontros, a celebrar cada 2 meses.

O obxectivo é achegar a literatura galega ao público e intercambiar impresións sobre os libros que engrosen a lista de lectura proposta. Así mesmo, é intención do Concello estender o programa, como o pasado ano, á comunidade educativa, fomentando a participación do alumnado do CPI Atios con sesións específicas para eles en horario lectivo e en colaboración co centro educativo.

Lea también

Inaugurada en la Biblioteca Municipal la exposición de la obra de Benito Vicetto

El alcalde de Ferrol, José Manuel Rey Varela, participó en la tarde de este martes, …