Galicia Ártabra Digital Noticias de Ferrol y la comarca de Ferrolterra.
O BNG, despois dos resultados das eleccións celebradas o 28 de maio, e tras triplicar concelleiros, decidiu que postulará á alcaldía, como a forza máis votada dos grupos de esquerda, ao seu candidato Evaristo Deus Deus. O BNG «entende dos resultados electorais, que o pobo de Mugardos decidiu a favor dun acordo, diálogo e entendemento entre as forzas de esquerdas».
No estado actual de conversas co PSOE e con EU, o BNG quere transmitir que a día de hoxe, venres, «temos o apoio incondicional do PSOE para investir un alcalde de esquerdas en Mugardos dende a primeira reunión, non é así con EU que se nega a apoiar a investidura de un alcalde de esquerdas».
A postura de EU
Nun comunicado o BNG de Mugardos sinala que » Queremos aclarar ademais que tal como fixemos co PSOE, unha das xuntanzas con ambas forzas centrábase en abordar os puntos programáticos comúns das organizacións e EU cancelou a reunión por entender que non eran relevantes os asuntos a tratar. A pesar da negativa de EU, o BNG seguiu facendo esforzos para chegar a un punto de encontro con ambas forzas políticas».
Puntos de encontro
«A responsabilidade e compromisos acadados polo BNG, resultado da vontade do pobo, sixen que acordemos puntos de encontro con ambas organizacións de esquerdas, sen exclusións, e iso é o que estamos a facer dende o primeiro momento.
O BNG quere manifestar que segue aberto o diálogo para acadar acordos que saquen a Mugardos do estancamento actual, porque esa é a nosa responsabilidade«, remata o comunicado.
