1ª Carreira Popular Narón 10k

O Concello de Narón en colaboración co Club Atletismo Narón organizou este domingo 9 de abril a 1ª Carreira Popular Narón 10k , incluida no calendario oficial das competicións de Federeración Galega de Atletismo (FGA); disputándose a través dun circuito totalmente urbán e moi rápido, con saída e meta no Pabellón Municipal da Gándara, poñendo o Concello  á súa disposición  servicios de gardarroupa, aseos e duchas no propio Pavillón. O prezo das inscripcións foi de 6€ ata o 27 de marzo, e de 10€ ata o 4 de abril. 

Dende ás 10 da mañá os 355 corredores inscritos foron disputando as 11 categorías en liza; empezando polas absolutas de 10 e 5 km, e seguidamente as restantes: sub18 de 5.000 mts, sub16 de 2.500 mts, sub14 de 1.500 mts, sub12 de 800 mts, sub10 con 600 mts e a categoría peques (nacidos no ano 2015 ee posteriores) cun tramo de 150 mts con saída as 13:15 horas; sin olvidar as categorías sub20, sub23, senior y máster 1,2,3 y 4 para completar o trofeo. 

Na clasificación xeral masculina o primeiro en cruzar a meta do 10k foi Víctor Alonso Ares do Viky Foods Athletics cun tempo de 32:30, seguido de Esteban Díaz Pérez do Atletismo Narón con 32:36, e o terceiro tempo marcouno Alvaro Presedo Fragueo do equipo Marineda Atletico cun tempo de 32:37; na clasificación xeral feminina os tres primeiros postos foron para: Tania Alvarez Gómez cun tempo de 36:52, María S. Leiro Lòpez do San Miguel de Marin cun 42:02, e Helena Peñas cun tempo de 43.03 do Opa Ferrol Team Running. 

Respecto  á media distancia, no 5k os tres primeros tempos en categoría feminina foron: Marta Cabello Arias do AD Nautico Narón con 17:49, Andrea Diaz Iglesias do Atletismo Narón cun tempo de 19:21, e  Tamara Lopez Díaz  do Club Beni Gym Sport cun tempo total de 22:01; E na categoría masculina os tres primeiros clasificados foron : Facundo Medard do Triatlon Arteixo con 15:55, Daniel Portomeñe Formoso do Ferrol Atlético con 15:57  e Mikel Ocerin Vázquez do Triatlon Arteixo con 15:58.; 

A destacar na categoría Master-2 para maiores de 45 anos no 5k masculino a Ramón Serantes Gómez do Marineda Atletico con 17.40, co segundo mellor tempo a José Francisco Sáiz Fernández do Opa Ferrol Team Running  con 18:07, e na terceira posición a Alberto Caneiro Caneiro do Triatlon Ferrol  cun tempo de 18:29; e na categoria feminina, Maria Victoria Grueiro do Atletismo Naron con  23:09, segundo posto para  Maria dolores de Teresa Pertus   con 27.47 e Matilde Pedreira do Club Castro de Lobadiz cun tempo de 28:04.

Os tres primeiros  clasificados recibiron todos un trofeo, e tódolos participantes da categoría peques unha medalla; e non faltou tamén un sorteo de regalos ente tódolos dorsais, con cestas de productos, bonos de spa e ximnasios, vales para ceas e calzado deportivo.

Para consultar o total de tempos de todolos participantes e os gañadores do resto das categorías pódense ver con  detalle na web da FGA: https://atletismo.gal, na súa sección de Carreiras Galegas  e na web  www.carreirasgalegas.com