Galicia Ártabra Digital Noticias de Ferrol y la comarca de Ferrolterra.
Nenos de 5º A e B de Primaria do CPI Atios, xunto á súa profesora Carme Barro, participaron este luns, día 13 de febreiro, na biblioteca de Valdoviño nunha segunda sesión do Foro Galego Literario Escolar, no que tiveron a oportunidade de comentar co escritor Antonio Yáñez Casal a súa obra, «A complicada vida de Bieito Viqueira».
Xunto a eles, estivo tamén o profesor, investigador e escritor Antón Cortizas, encargado de guiar este programa que promove o Concello de Valdoviño.
Foi unha charla co autor con interrupcións, tal e como pedira Antonio Yáñez ó comezar a actividade, e os estudantes non dubidaron e plantear as súas preguntas no transcurso do coloquio. O escritor falou da obra, das esceas, personaxes, valores e intencións que guiaron a súa escrita. Unha escritura sen guión, que nace dunha idea básica e continúa sendo unha aventura, na que os personaxes levan a historia dun lado para outro.
O programa continuará este xoves, coa presentación dunha publicación para o alumnado de 6º curso de Primaria. Unha primeira xornada que terá continuidade co coloquio co autor, como fixo o alumnado de 5º, unha vez completen a lectura da obra.
