Cabanas programa a proxección do filme de animación “Bella e o circo máxico”

A área de normalización lingüística do Concello de Cabanas vén de programar a proxección de “Bella e o circo máxico”, un filme de animación dirixido por Atle Blakseth e Frank Mosvold, orientado a tódolos públicos e moi especialmente recomendada ó público infantil.

Será o sábado, 8 de outubro, ás 11 horas no salón de plenos da casa consistorial.

A película relata a historia de Bella, quen está a organizar un circo para o seu mellor amigo, Henry, xa que este nunca antes estivo nun. Está mi emocionada á espera de ser a atracción principal cun fantástico truco de maxia que sorprenderá a Henry, quen á súa vez quedará asombrado polos trucos coa bicicleta que fai Johnny, un novo mozo chegado ó rueiro. Ó ver que pode perder ó seu amigo, Bella obrigará a Henry a elixir entre ela e Johnny, e para non magoar a ningún dos seus amigos el decide desaparecer. Será entón cando Bella teña que poñerse de acordo co seu inimigo, Johnny, para atopar de novo a Henry.

A actividade forma parte das actividades da Rede de Dinamización Lingüística, na que participa o Concello de Cabanas.

Lea también

Arrancan los trabajos para reparar el puente de la N-651 entre Pontedeume y Cabanas (A Coruña), con retenciones

A las 12,30 horas de este martes, día 27 de febrero, se han iniciado los …