O BNG esixe a Mato que cumpra coa ordenanza de normalización lingüística de Ferrol

Iván Rivas normalizando unha das placas do Torrente Ballester | BNG

O Bloque Nacionalista Galego de Ferrol quixo chamar a atención sobre o «desleixo» do goberno de Ángel Mato coa normalización lingüística e evidenciar como o galego «perde presencia na nosa cidade da man do goberno municipal«.

Esta martes os integrantes do grupo municipal do BNG desenvolveron un acto simbólico nas fachadas do centro cultural Torrente Ballester procedendo a «normalizar» as placas que recentemente instalou o goberno local nomeando os espazos públicos adxacentes a esta instalación onde o goberno local «situaba a nosa lingua nun segundo plano e a deixaba como un mero acompañamento

María do Mar López, concelleira do BNG, lembrou ao goberno de Ángel Mato que a Ordenanza Municipal de Normalización Lingüística recoñece que o galego é a lingua oficial do Concello de Ferrol e destacou os continuos incumprimentos por parte do goberno municipal desta ordenanza.

Indicou que o goberno local durante todo o que leva de mandato «obvia a nosa lingua como así se evidencia en moitos dos pregos e estudos de plans que están en español, as xornadas sobre patrimonio, a sinalética de tráfico, a paxina de turismo e moitos máis exemplos que poderiamos citar.«

Para o BNG os letreiros que hoxe «vimos de normalizar é a última labazada deste goberno a ordenanza municipal, onde no seu artigo nº 20 se recolle que os rótulos, sinalizacións […] rede viaria […] estarán redactados en idioma galego. A continua diglosia na que vive o goberno local non é máis que un menosprezo a nosa lingua e cultura, e non axuda a posta en valor do noso patrimonio inmaterial. A nosa lingua é un patrimonio que debemos respectar, preservar e potenciar. Se a nosa cidade quere ser patrimonio mundial, Ángel Mato debería saber que ten que ser, tamén, en galego e poñendo en valor a nosa lingua

María do Mar López insta ao goberno local a «cumprir coa normativa municipal en materia lingüística e defendeu que o bilingüismo non é unha opción

Lea también

Aprobadas las bases de las ayudas para rehabilitación en A Magdalena, Ferrol Vello, A Graña y Esteiro

El Concello de Ferrol, de manera conjunta con el Ministerio de Transportes, Movilidad y Agenda …