Galicia Ártabra Digital Noticias de Ferrol y la comarca de Ferrolterra.
O Concello de Narón iluminará de cor amarela na noite do vindeiro luns, día 14 de marzo, a glorieta de Freixeiro con motivo do Día da Endometriose.
O Consistorio súmase con esta iniciativa á petición da Asociación querENDO mulleres con endometriose de dar visibilidade a esta enfermidade.
A citada asociación, de ámbito galego, creouse no ano 2015 e ten entre os seus obxectivos contribuír á axuda física, psicolóxica e educativa das mulleres afectadas por endometriose e as súas familias, independentemente do grao ou estadío da súa doenza, tal e como aseguran.
Así mesmo, o colectivo aposta por desenvolver todas as actividades sociosanitarias que sexan precisas para dar a coñecer esta doenza, contribuíndo ó seu diagnóstico precoz e evitando no posible o deterioro da calidade de vida das persoas que a padecen.
