O Concello lembra a Xosé Fontenla Leal no centenario do seu pasamento

O Concello de Ferrol rendeu hoxe homenaxe a Xosé Fontenla Leal con motivo do centenario da súa morte. O concelleiro de Cultura, Antonio Golpe, depositou esta tarde en nome da corporación municipal unha palma de flores ante o monumento ao intelectual galeguista situado na praza do Himno Galego. Fontenla Leal foi un dos impulsores da Real Academia Galega e tamén unha figura clave na creación do himno de Galicia. Morreu na Habana o 5 de decembro de 1919, aos 55 anos de idade.