Galicia Ártabra Digital Noticias de Ferrol y la comarca de Ferrolterra.
A Biblioteca municipal de Ferrol, na praza de España, ofrecerá entre outubro e novembro dous talleres sobre disciplina positiva. O primeiro, dirixido á primeira infancia, desenvolveras os martes entre o 22 de outubro e o 26 de novembro, de 17.30 a 19.30 horas. Os talleres serán impartidos por Laura Balado, experta en coaching e desarrollo e educación emocional.
O prazo de inscrición abrirase o vindeiro martes 1 de outubro e realizaranse a partir das 9 horas a través exclusivamente da páxina web mediante a solicitude que se habilitará para o mesmo. Orientado a nais, pais, mestres e persoas ao coidado de nenos de entre 3 e 10 anos, o taller ten entre os seus obxectivos mostrar ferramentas aplicables á realidade diaria para entender o comportamento dos fillos.
O segundo taller, neste caso dirixido a nais, pais, mestres e persoas ao coidado de nenos de entre 10 e 17 anos, abre o prazo de inscrición o 3 de outubro no mesmo horario que o anterior. As reunións serán os xoves entre o 17 de outubro e o 21 de novembro, de 17.30 a 19.30 horas e persigue, entre outras obxectivos, entender e conectar cos fillos preadolescentes e adolescentes, obter recursos eficaces e duradeiros e aprender a vivir nun ambiente onde exista responsabilidade, respecto e cooperación deixando espazo á intimidade e liberdade.
Relato curto
A Biblioteca abre o próximo venres, 27 de setembro, ás 17 horas, o prazo de inscrición no mostrador da planta baixa para o Taller de Relato Curto, que se impartirá os terceiros venres de mes desde outubro ata maio de 2020 de 19 a 20 horas. A coordinadora será Teresa Cameselle.
