Galicia Ártabra Digital Noticias de Ferrol y la comarca de Ferrolterra.
Celtas Cortos subirase mañá ao escenario de Canido para pechar as festas de Ferrol tras os fogos de San Ramón. O concerto comezará ás 23.45 horas e coincidirá, ademais, co segundo día das Meninas.
O Concello viuse na obriga de modificar o cartel a pouco máis de 24 horas do concerto porque un repentino problema de saúde dun dos membros de Siniestro Total faille imposible á banda tocar mañá.
O concelleiro de Cultura, Antonio Golpe, destacou que o goberno local logrou contratar “contra reloxo” un grupo “de gran nivel musical” para que se encargara de poñer o colofón a unhas celebracións que comezaron o venres 23 con Fangoria na praza de España. Golpe destacou a “ampla traxectoria” de Celtas Cortos, que ao largo de máis de trinta anos de carreira compuxeron himnos xeracionais como 20 de abril, Tranquilo, majete ou Cuéntame un cuento.
