Galicia Ártabra Digital Noticias de Ferrol y la comarca de Ferrolterra.
O Concello de Ferrol, a través da concellería de Muller e Igualdade, abrie o prazo dende o martes 27 para que as entidades que desexen formar parte do Consello Sectorial de Igualdade e Muller poidan presentar a documentación ante o Rexistro municipal. O prazo remata o próximo 13 de setembro.
A área responsable, que dirixe a concelleira Cristina Prados, indicou que o Consello Sectorial de Igualdade e Muller é garante da plena participación das mulleres na vida cidadá, política, económica social e cultural. Son espazos para “o exercicio da democracia participativa e activa”, e supón unha “canle de interlocución entre as mulleres e a Administración local, polo que o seu valor e importancia son inestimables no desenvolvemento da política local”. Deste modo, o Concello facilita a participación de entidades e asociacións da localidade.
A concelleira de Muller, Cristina Prados, explicou que “queremos estar en estreito contacto coas asociacións de mulleres escoitando todas as demandas, suxestións e peticións que les poidan xurdir”. Neste senso, detallou que desde o goberno municipal “hai unha clara aposta pola igualdade e creemos que ten que ser unha prioridade a transversalidade en todas as políticas do Concello”.
As entidades interesadas poden presentar as súas solicitudes no Rexistro do Concello de Ferrol.
