O goberno local de Ferrol mantén a súa intención de cumprir o período medio de pago a proveedores

A Xunta de Goberno Local desta mañá abordou os atrasos na tramitación de facturas a provedores, a maioría das cales proceden de traballos xa realizados con anterioridade ao inicio do mandato. A Intervención deu conta da situación nos distintos negociados do Concello, o que se trasladará á próxima xuntanza da Comisión Especial de Contas.

Tras a sesión ordinaria de hoxe, o goberno municipal lembrou que a súa intención no tocante a este tema é cumprir co período medio de pago a provedores, polo que reiterou o seu compromiso de poñer en marcha as medidas necesarias para acadar este obxectivo.