Galicia Ártabra Noticias de Ferrol y la comarca de Ferrolterra.
A concelleira de Benestar Social visitou esta mañá o centro municipal de maiores da rúa Río Xubia, que xestiona a asociación Dignidad. Representantes da ONG expuxéronlle a Eva Martínez Montero cales son as necesidades destas instalacións, que abren todos os días da semana en horario de mañá e tarde grazas a unha entidade que leva a cabo diferentes accións en colaboración co Concello de Ferrol.
A edil tomou nota de actuacións que deben ser levadas a cabo e, a continuación, comprobou de primeira man como é o funcionamento do comedor sénior. O do centro de maiores é un dos catro que prestan este servizo na cidade, que, en total, ofrecen 120 prazas. Xunto con Xantar na Casa, este servizo é un dos máis valorados no ámbito do benestar social, xa que tamén cumpre unha función de acompañamento para as persoas maiores.
