A concelleira Ana Lamas presidirá na Deputación a comisión de Benestar Social e Educación

O Pleno da Deputación celebrado hoxe aprobou a proposta de organización do gobernó provincial. Así, Ana Lamas, concelleira de Servicios, Obras, Medio Ambiente, Zona Rural e Participación do Concello de Ferrol presidirá a Comisión de de Benestar Social e Educación.

Ana Lamas tamén formará parte da Xunta de Goberno e doutras tres comisións: a de Cultura e Políticas de Xénero, de Infraestructuras Viarias, Vías e Obras, e a de Transición Ecolóxica, Emprego e Territorio Sostible.

Ademáis, será a representante da Deputación no Comité Provincial de Cruz Vermella, na Fundación Gonzalo Torrente Ballester e na Fundación Terra de Trasancos.