O Triatlón Ferrol clasifica tres homes para o galego e é bronce por equipos en Poio

Tres dos integrantes do Triatlón Ferrol que esta fin de semana competiron en Poio conseguiron unha praza para o campionato galego.

Marcos Ruiz, no pelotón cabeceiro en todo momento, rematou en sexto lugar na clasificación final e alzouse co bronce en categoría sub-23. Xunto a el, subiron ao podio para colgarse o bronce por clubs, Juan Rejas -14º da xeral e subcampión junior- e Jorge Morado -21º-, tamén logrando o billete directo para a cita autonómica.

Pablo Pedrosa finalizou en 31ª posición, con opcións de clasificarse en próximas probas, mentres que Álvaro Ordiales tivo que retirarse no ciclismo por unha indisposición.

Completaron a participación do club ferrolán Luis Rilo -70º-, Borja Catrufo -74º- e Ricardo Fernández -81º-.
Na proba popular, Ainara Pita foi décima, Diego Carballeira 13º e Bruno Castro 22º.