O Esteo empata no seu último encontro en terras asturianas

(Xosé Ferreiro) O Esteo despediuse este sábado da competición e fíxoo pola porta grande co empate 4-4 en Boal, co que sumado á derrota do Ventorrillo en Pontevedra os ponteses rematan quintos con 49 puntos.

So quedan por diante dos de Óscar Vigo, Atlético Benavente, Guardo, Tres Cuñados e Cidade de Narón. No partido do sábado en terras asturianas O Esteo foi por diante en todo momento, 0-1, 1-2, e 2-4, con dobletes de Pana e Cokito, pero os locais empataron por tres veces.

De gañar os locais serían os asturianos os que acabarían quintos pero por sorte nos últimos minutos conservaron o marcador, rematando a Liga con 14 vitorias, por 7 empates e 9 derrotas, 130 goles a favor (14 foron virtuais contra o Prone), e 112 en contra.

Anotaron Jacobo, que non puido superar o récord de 28 goles de Martín, Cokito 19, Pana 16, Ayala 11, Alex 10, Rober e Bruno 9, Troncho 5, Héctor 4, Javichu 2, Dani 1 e dous en propia meta.

Mellor clasificación do O Esteo na Segunda B, xa que desde que debutou na 2013-14 foi sucesivamente décimo, décimo, décimo terceiro, oitavo, oitavo, e agora quinto.

Rematan ademais como sétimo equipo de Galicia, só por detrás de O Parrulo Ferrol, Pescados Rubén Burela, Santiago Futsal, Noia Portus Apóstoli, Pizarras Tres Cuñados e Cidade de Narón.

Tamén clasifican directamente, e sen necesidade de invitación, para a Copa de Galicia por terceiro ano consecutivo, ao quedar entre os tres primeiros galegos da Segunda B.

FS BOAL BELLEZA: Rodri, Fredy, Jonás, Santi, Adri – cinco inicial – Alonso, Jesús e Rubén.

O ESTEO FS: Javichu, Cokito, Alex, Héctor, Dani – cinco inicial – Bruno, Troncho, Pana, Rober, Jacobo, Cal.

GOLES: 0-1, Cokito (4´), 1-1, Jonás (5´), 1-2, Pana (15´), 2-2, Adri (16´). 2-3, Pana (28´), 2-4, Cokito (32´), 3-4, Adri (33´), 4-4, Jonás (34´).

ÁRBITROS: Sobaler Pesquera, Trueba Fraile, Sanromán Ibáñez (Santander). Amarelas a Alonso, Cokito, Pana. Expulsaron con dobre cartón a Jesús.

INCIDENCIAS: Pavillón Municipal de Boal. Uns 100 espectadores.