Galicia Ártabra Digital Noticias de Ferrol y la comarca de Ferrolterra.
Miriam Casillas compite este domingo na Copa do Mundo de New Plymouth co obxectivo de lograr unha boa posición que a manteña como a primeira española do ranking de clasificación olímpica.
A pacense do Triatlón Ferrol participa xunto as españolas Carolina Routier, candidata a unha das prazas que poida conseguir España para Toquio 2020, e Marta Sánchez. En canto a rivais internacionais, na lista de saída atópase a australiana Emma Jeffcoat, que casualmente ocupa a 32ª posición do ranking olímpico, xusto por detrás de Casillas.
En distancia esprinte, de 750 m de natación, 20 km de ciclismo e 5 km de carreira a pé, a Copa do Mundo de New Plymouth disputará a súa proba feminina este domingo ás 10.45 horas -22.45h do sábado en horario español-.
