Cuarto posto para o Triatlón Ferrol no campionato galego de dúatlon contra o reloxo

O Triatlón Ferrol rematou o campionato galego de dúatlon contra o reloxo en cuarta posición, a menos de 45 segundos dos postos de podio.

Despois dunha primeira carreira rápida, Pablo Pedrosa deixou seguir aos seus compañeiros na primeira subida do ciclismo por un problema coas calas. Colaborando entre os cinco restantes e liderando o grupo Iván Puentes e Marcos Ruiz, no último sector a pé mantivéronse colaborando Juan Rejas, Jorge Morado, David Campos e David Arias para cruzar xuntos a meta cun tempo final que os colocaría cuartos no campionato galego.

Na proba aberta, o segundo equipo do Triatlón Ferrol foi subcampión con Marcos Caneiro, David García, Roberto Martínez Juanchi González e Francisco Javier Pena.