Miriam Casillas mantén o seu posto de ranking olímpico sendo 33ª en Abu Dhabi

Miriam Casillas logrou un 33º posto nas Series Mundiais de Abu Dhabi despois dun esixente sector ciclista polo
circuíto de Fórmula 1 de Yas Marina.

A pacense do Triatlón Ferrol saíu da auga ben colocada, traballou a fondo no gran pelotón perseguidor e, cunha digna marca na carreira a pé, non conseguiu recuperar posicións como é habitual nela.

“Creo que tuve una pájara, no debí de alimentarme bien en la bici, porque de piernas me sentía bien pero no podía más”, recoñece Miriam Casillas.

Con este resultado, a triatleta estremeña mantén a súa 31ª posición do ranking de clasificación olímpica e segue a ser a mellor española.