Galicia Ártabra Digital Noticias de Ferrol y la comarca de Ferrolterra.
O goberno local de Narón continúa ampliando a oferta deportiva e de ocio na cidade. Desde hai uns días xa se pode utilizar a nova tirolina instalada no paseo marítimo de Xuvia, nas inmediacións do parque infantil, e así o constataron a alcaldesa, Marián Ferreiro, e os edís de Servizos, Ibán Santalla, e Obras, Pablo Mauriz, que se desprazaron hai uns días ata a zona. A tirolina supuxo ás arcas locais un investimento de 12.000 euros e ten unha lonxitude de vinte metros, tal e como apuntou a rexedora local, que incidiu en que “reforzará o variado equipamento co que conta na actualidade o paseo marítimo de Xuvia, con elementos para o lecer e práctica de deporte dirxidos a persoas de tódalas idades, o que o convirte nun parque multiactividades nesta ampla zona verde da cidade”.
O edil de Servizos explicou que a tirolina “ten unha lonxitude de vinte metros e está pensada para que a utilicen nenas e nenos de entre 4 e 12 anos, sendo estas as idades para as que está deseñada o modelo instalado”.
Pista multideporte
A maiores da nova tirolina, o paseo de Xuvia contará o vindeiro ano cunha pista multideporte, instalacións coas que xa contan na actualidade os barrios do Alto e A Gándara, nas que o Concello investiu unha partida conxunta de 60.000 euros. Ferreiro avanzou que as instalacións, cuxa construción se licitará en breve, “contan cun orzamento de case 42.000 euros e permitirán completar a oferta de áreas deportivas da nosa cidade, concretamente na zona de Xuvia, donde tamén hai un Circuíto Vita, e un parque biosaudable, ademáis dunha zona de xogo infantil”.
A cancha multideporte de Xuvia terá unhas dimensións de 20×10 metros, dúas porterías grandes e catro de menor tamaño, canastas e dous postes centrais para colocar unha rede para a práctica de determinados deportes, tal e como explicou Santalla. Neste tipo de instalacións, apuntou o concelleiro naronés, poden practicarse ata oito modalidades deportivas diferentes ao aire libre.
“Cun investimento de 54.000 euros no paseo de Xuvia completamos a oferta de lecer neste barrio da cidade, no que as veciñas e veciños poden xa utilizar a tirolina e, nos vindeiros meses, estrear a nova cancha multideporte”, subliñou Marián Ferreiro.
Una inversión sin parangón. Que se quite el edificio del ayuntamiento que hizo Gato, la biblioteca, el pazo, los pabellones….. todo fuera. Aquí llega la tirolina de Marián!!!