Un total de 29 canteiráns da Escola Javi Gómez Noya compiten no Dúatlon Escolar de Carballo

A Escola Javi Gómez Noya presentará este domingo no Dúatlon Escolar de Carballo un total de 29 promesas.

Tres benxamíns, 13 alevíns, oito infantís e cinco cadetes representarán ao Triatlón Ferrol na proba enmarcada no programa Xogade de fomento do deporte en idade escolar.

Á súa vez, a proba dará as primeiras prazas para a final provincial que o club departamental organizará en abril en Fene.