Carmen Jiménez (Triatlón Ferrol) foi a mellor cadete debutante de Galicia na toma de tempos da federación

A Escola Javi Gómez Noya celebrou os resultados dos seus catros triatletas que entrarán a formar parte do Plan Nacional de Tecnificación, o programa de detección de talentos da Federación Española.

No seu primeiro ano de cadete, Carmen Jiménez obtivo a mellor puntuación de toda Galicia na súa idade grazas ás súas marcas de natación e carreira continua.

Xa integrado no Centro Galego de Tecnificación Deportiva, Jorge Morado amosou de novo o seu nivel ao conseguir o cuarto mellor resultado entre os cadetes de segundo ano.

Completando a expedición do Triatlón Ferrol, David Campos e Álvaro Ordiales mantivéronse na media dos triatletas da súa categoría, tamén na segunda temporada como cadetes.