O Nadal chega a Fene co Festival de Panxoliñas

Festival de Panxoliñas – Concello de Fene

“O meniño mariñeiro”, “Nadal de Luintra” ou “A Belén vinde pastores”. Son algúns dos temas que soarán este sábado, 16 de decembro, a partir das 20 horas, no XVII Festival de Panxoliñas que terá lugar no CMI Unidade de Fene. No certame, organizado pola Concellería de Cultura de Fene, actuarán a Rondalla Perla do Río, o Tradicoro, as corais Eterna Xuventude, Agarimo de Sillobre, CPS de San Valentín e O Pote, e a rondalla Estrelecer.

Con esta actividade, o Concello de Fene inaugura o ciclo de actividades culturais do Nadal 2017/18. Un programa que inclúe un percorrido do Apalpador polos distintos centros escolares do Concello, os tradicionais festivais das escolas municipais de piano e guitarra, un concerto de Nadal e diversas actividades de maxia, teatro e contacontos. Tamén se anuncian dúas exposicións na Casa da Cultura e, ao remate das festas, o venres 5 de xaneiro, a cabalgata das SSMM os Reis Magos de Oriente e unha festa infantil na praza do alcalde Ramón Souto González.

Lea también

Inauguración en la Casa da Cultura de Valdoviño de la exposición «Alentía»

Jaime Fernández Pardo estudiante valdoviñés del Grado de Publicidad y Relaciones Públicas, ha inaugurado el …