Galicia Ártabra Digital Noticias de Ferrol y la comarca de Ferrolterra.
O alcalde de Cabanas, Germán Castrillón, informou esta mañá do remate dos traballos de acondicionamento e mellora do pavillón municipal de Lavandeira. Unha intervención na que se investiron 43.322,95 euros procedentes dunha subvención solicitada á Consellería de Infraestruturas da Xunta de Galicia.
Nesta liña, o rexidor explicou que as obras contemplaron a limpeza de toda a superficie da cuberta e canalóns, así como das paredes interiores; o pintado das instalacións deportivas tanto da fachada como do interior, traballos de impermeabilización e substitución de tornillería.
Así mesmo, levouse a cabo a substitución de todas as luminarias e luces de emerxencia por outras LED de baixo consumo. Unha medida, engadiu o alcalde, coa que se pretende un aforro no recibo eléctrico.
