Último empurrón á temporada de Camila Alonso en Santo Domingo

Camila Alonso enfróntase este domingo á última proba da temporada na Copa de América de Santo Domingo.

Despois de resultados discretos polo cansazo, a internacional do Triatlón Ferrol agarda poder rematar satisfeita na competición internacional en distancia esprinte, a súa predilecta.

Camila Alonso, vixente campioa da proba, recoñece a dificultade que terá para soñar con revalidar título ante rivais do talle da olímpica Carolina Routier.